Beth yw cyd-gynhyrchu?

 Ydych chi'n byw gyda dementia?

Ydych chi'n gofalu am rywun â dementia?

A hoffech chi fod yn rhan o lunio’r ffordd y mae gofal a chymorth yn edrych ar gyfer pobl sy’n byw gyda dementia, gofalwyr a’u teuluoedd?

Efallai eich bod wedi clywed am y gair 'cydgynhyrchu'.

Mae cydgynhyrchu yn golygu bod pobl â phrofiadau byw a gweithwyr proffesiynol sy'n gweithio mewn gwasanaethau yn dod at ei gilydd mewn partneriaeth i wella gwasanaethau.

Rydym am i gydgynhyrchu fod wrth wraidd y ffordd yr ydym yn creu, rhedeg a gwerthuso gwasanaethau iechyd a gofal cymdeithasol.

P’un a ydych yn byw gyda dementia, yn ofalwr, neu’n aelod o deulu rhywun â dementia, hoffem eich gwahodd i sesiwn ar-lein rhad ac am ddim sy’n eich cyflwyno i gydgynhyrchu.

Yn y sesiwn hon, byddwn yn dysgu mwy am beth yw cydgynhyrchu, a sut mae'n gwerthfawrogi pob un ohonom fel unigolion.

Byddwn yn dysgu sut y gall pob un ohonom, gyda’n gilydd, greu gwasanaethau dementia cryfach a mwy ystyrlon.